ក្រសួងសិទ្ធិមនុស្សអ៊ីរ៉ាក់និយាយក្នុងសេចក្តីថ្លែងការណ៍មួយថា ជនភេរវករ ISIS ម្នាក់ ដែលគេស្គាល់ឈ្មោះ Abu Anas Al-Libi បានប្រហារជីវិតស្ត្រីអស់ជាង ១៥០ នាក់ និងក្មេងស្រីជាច្រើននាក់ទៀត មុនពេលនាំយកសាកសពរបស់ពួកគេទៅកប់ក្នុងផ្នូរដ៏ធំមួយ នៅ Fullujah ខេត្ត Al Anbar ប្រទេសអ៊ីរ៉ាក់ ។
យោងតាមប្រភពព័ត៌មាន បានឲ្យដឹងថា មូលហេតុជនរូបនេះសម្លាប់ស្រី្តទាំងនោះ ដែលភាគច្រើននៃពួកគេគឺជាជន Yazidi (សហគមន៍សាសនា Ethno ឃឺដ), ព្រោះតែពួកគេមិនយល់ព្រមរៀបបណ្តោះអាសន្នក្លែងក្លាយជាមួយពួកឧទ្ទាមរដ្ឋអ៊ិស្លាមនេះ -ទីកន្លែងដែលពួកគេនឹងរងឥទ្ធិពលកំរាមកំហេងធ្វើជាទេសករផ្លូវភេទ ។
សេចក្តីថ្លែងការណ៍និយាយថាៈ “ស្រី្តយ៉ាងតិច ១៥០ នាក់ ក្នុងនោះរួមមាន៖ ស្ត្រីមានផ្ទៃពោះ និងក្មេងៗស្រីក៏ត្រូវបានប្រហារជីវិតនៅ Fallujah ផងដែរ ដោយឧទ្ទាមឈ្មោះ Aub Anas Al-Libi កំណាចរូបនេះ បន្ទាប់ពីពួកនាងបដិសេធមិនទទួលអាពាហ៍ពិពាហ៍ជីហាដ” ។
គួរបញ្ជាក់ផងដែរថា បច្ចុប្បន្ននេះ ក្រុមគ្រួសារជាច្រើន ក៏បានបង្ខំចិត្តចាកចេញពីទីប្រជុំជន Al-Wafa ភាគខាងជើងនេះខេត្តនេះផងដែរ បន្ទាប់ពីពលរដ្ឋរាប់រយនាក់ កំពុងរងការគំរាមកំហែងសម្លាប់នោះ ៕
ប្រភព៖ សារព័ត៌មានខ្មែរស្ថាបនា
Post a Comment