រាជធានីភ្នំពេញ៖ កាលពីថ្ងៃទី១៥ ខែធ្នូ ឆ្នាំ២០១៤ កម្លាំងនគរបាលការិយាល័យប្រឆាំងការជួញដូរ មនុស្ស និងការពារអនីតិជន នៃស្នងការដ្ឋានរាជធានីភ្នំពេញ ដោយមានបញ្ជាផ្ទាល់ពីលោក មាស ច័ន្ទពិសិដ្ឋ ព្រះរាជអារជ្ញារងអម សាលាដំបូងរាជធានីភ្នំពេញ ធ្វើការឃាត់ខ្លួនជនសង្ស័យពីរនាក់ ពាក់ព័ន្ឋករណីប៉ុនប៉នជួញដូរមនុស្សឆ្លងដែនខុសច្បាប់ ទៅប្រទេសចិន នៅព្រលានយន្តហោះអន្តរជាតិ ពោធិចិនតុង។
ជនសង្ស័យ ទី១.ឈ្មោះ XUXIANDIA ភេទប្រុស អាយុ៣០ឆ្នាំ ជនជាតិចិន មុខរបរ ជាងសំណង់ បច្ចុប្បន្ន ស្នាក់នៅផ្ទះជួល សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ជនសង្ស័យ ទី២.ឈ្មោះ ហេង សេង ភេទប្រុស អាយុ៥៣ឆ្ នាំជនជាតិខ្មែរ មុខរបរលក់ការហ្វេ បច្ចុប្បន្ន នៅផ្ទះលេខ៣០ ផ្លូវ២៣១ សង្កាត់ផ្សារដើមគរ ខណ្ឌទួលគោក រាជធានីភ្នំពេញ។
ក្នុងការប្រត្តិបត្តការណ៏ខាងលើ កម្លាំងនគរបាលបានជួយជនរងសង្គ្រោះ ០១នាក់ភេទស្រី (និតិជន) និងអ្នករត់ម៉ូតូឌុបម្នាក់ភេទប្រុសមកសារសួរ។
ជុំវិញប្រតិបត្ដិការ ចាប់ខ្លួនជនសង្ស័យ ទាំង២នាក់ខាងលើនេះ នាយការិយាល័យ ប្រឆាំងការជួញដូរមនុស្ស និងការពារ អនីតិជនរាជធានីភ្នំពេញ លោក កែវ ធា បានឱ្យដឹងថា ជនសង្ស័យទាំងនេះត្រូវបាន កម្លាំងសមត្ថកិច្ចការិយាល័យ តាមចាប់ខ្លួន ក្នុងករណីជួញដូរមនុស្សឆ្លងដែន។
នាយការិយាល័យរូបនេះ បានបញ្ជាក់ថា ជនសង្ស័យខាងលើបានប្រើភ្នាក់ងារ ឬបណ្ដាញ របស់ខ្លួនទៅលួងលោម និងអូស ទាញ នារីរងគ្រោះដែល ភាគច្រើនរស់នៅ តាមស្រុកស្រែចំការ រួចហើយនាំមកកាន់ រាជធានីភ្នំពេញ ដោយធ្វើលិខិតឆ្លងដែនមុនពេលនាំចាកចេញ ទៅកាន់ប្រទេសចិន។ យ៉ាងណាក៏ដោយរេឿងនេះ ត្រូវបាន លោក កែវ ធា បញ្ជាក់ថា នារីរងគ្រោះទទួលបានលុយ៧០០០ដុល្លារអាមេរិក ហើយឈ្មួញកណ្តាលយកទៅលក់៩០០០ដុល្លារទើបបញ្ជូនបន្តរទៅប្រទេសចិនលក់រាប់ម៉ឺនដុល្លារ។
លោក កែវ ធា បានអំពាវនាវឱ្យប្រជាពលរដ្ឋទូទាំងប្រទេស ជាពិសេសអ្នកដែល រស់នៅតាមបណ្តាខេត្ដ មិនត្រូវចាញ់បោក ក្រុមឈ្មួញ ដែលប្រើពាក្យលួងលោម និង បោកបញ្ឆោតនាំទៅលក់ដោយខុសច្បាប់ នៅប្រទេសចិននោះឡើយ ពោលត្រូវធ្វើ ឡើង ដោយមានលិខិតស្នាមត្រឹមត្រូវ ពី ក្រសួងមហាផ្ទៃ និង ក្រសួងការបរទេស។
បច្ចុប្បន្នសមត្ថកិច្ច កំពុងធ្វើការសាកសួរជនសង្ស័យទាំងពីរខាងលើ ដើម្បីកសាងសំណុំរឿងបញ្ចូនទៅសាលាដំបូងរាជធានីភ្នំពេញ។ចំណែកជនរងគ្រោះនិងអ្នករត់ម៉ូតូឌុបយើងបានអប់រំនិងអោយត្រឡប់ទៅផ្ទះវិញ៕
Source : Cambodia Page
Post a Comment