ថ្ងៃសៅរ៏ ទី១៣ ខែធ្នូ ឆ្នាំ២០១៤ ម៉ោង ១៦:១០
រាជធានីភ្នំពេញ ៖ ប្រភពពីអ្នកឆ្លើយឆ្លងព័ត៌មានកោះសន្តិភាពឱ្យដឹងនៅរសៀលថ្ងៃទី១៣ ធ្នូ ២០១៤ នេះថា លោកអ៊ូ វុធ មេធាវីការពារក្តីឲ្យអ្នកស្រី វ័ន សាវង្ស អាយុ៦១ឆ្នាំ បានឱ្យដឹងថា តុលាការសម្រេចមិនឃុំខ្លួនកូនក្តីរបស់លោក ដោយតម្រូវឲ្យតម្កល់ប្រាក់ចំនួន៦ម៉ឺនដុល្លារ សម្រាប់រយៈពេល១ខែ ជាថ្នូរនៃការមិនឃុំខ្លួន ដោយតុលាការនឹងបើកការអង្កេតបន្ត ។
គួរបញ្ជាក់ថា ស្ត្រីម្នាក់ដែលអះអាងថា ជាម្តាយបង្កើតតារាសម្តែងពានរង្វាន់ទេវតាប្រចាំស្ថានីយទូរទស្សន៍ កាលពីព្រឹកថ្ងៃទី១១ ធ្នូ ត្រូវបានសមត្ថកិច្ចនគរបាលព្រហ្មទណ្ឌ កម្រិតស្រាលរាជធានីភ្នំពេញ ឃាត់ខ្លួនតាមដីកាបញ្ជាឱ្យចូលខ្លួនរបស់តំណាងអយ្យការសាលាដំបូងរាជធានីភ្នំពេញ ពាក់ព័ន្ធបទល្មើសឆបោក ។ អ្នកស្រី វ័ន សាវង្ស អាយុ៦១ឆ្នាំ ស្នាក់នៅផ្ទះលេខ១០៩ ផ្លូវលេខ៧០ សង្កាត់ស្រះចក ខណ្ឌដូនពេញ ត្រូវបានសមត្ថកិច្ចឃាត់ខ្លួននៅភោជនីយដ្ឋានផ្កាឈូកថ្មី ស្ថិតនៅមុខមន្ទីរពេទ្យកាល់ម៉ែត តាមបណ្តោយមហាវិថីព្រះមុនីវង្ស សង្កាត់ស្រះចក ខណ្ឌដូនពេញ ។
ការឃាត់ខ្លួនស្ត្រីរូបនោះ ដឹកនាំដោយលោកវរសេនីយ៍ទោ ជាវ វិបុល អនុប្រធានការិយាល័យនគរបាលព្រហ្មទណ្ឌកម្រិតស្រាល រាជធានីភ្នំពេញ ។ លោក ជាវ វិបុល ឱ្យដឹងថា នេះជាការអនុវត្តតាមដីកាបញ្ជាឱ្យចូលខ្លួនរបស់តំណាងអយ្យការសាលាដំបូងរាជធានីភ្នំពេញតែប៉ុណ្ណោះ ទាក់ទិនរឿងយ៉ាងណានោះ សមត្ថកិច្ចរបស់លោកមិនបានដឹងទេ ។ ទោះជាយ៉ាងណាប្រភពព័ត៌មានឱ្យដឹងថា អ្នកស្រី វ័ន សាវង្ស ត្រូវបានលោក អ៊ុំ សុភក្តិ ព្រះរាជអាជ្ញារងអមសាលាដំបូងរាជធានីភ្នំពេញ ចេញដីកាទៅសមត្ថកិច្ចបញ្ជាឱ្យចូលខ្លួន លេខ២៤៦ អ.យ.ឍ ចុះថ្ងៃទី៣ ធ្នូ ដើម្បីសាកសួរលើសំណុំរឿងព្រហ្មទណ្ឌមួយពាក់ព័ន្ធពីបទឆបោក ដែលសំណុំរឿងនោះត្រូវអះអាងថា អ្នកស្រីបានប្រព្រឹត្តនៅភូមិព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ កាលពីថ្ងៃទី១២ ឧសភា ២០១១ ។
នៅសាលាដំបូងរាជធានីភ្នំពេញ អ្នកស្រី វ័ន សាវង្ស បានប្រាប់អ្នកសារព័ត៌មានថា អ្នកស្រីជាម្តាយបង្កើតរបស់ កែវ នីសា បុ៉ន្តែពេលនេះកូនអ្នកស្រីមិននៅស្រុកខ្មែរទេ គេទៅប្រទេសថៃ ២-៣ថ្ងៃហើយ ដូច្នេះសមត្ថកិច្ចឃាត់ខ្លួនអ្នកស្រីនេះ កូនស្រីគាត់មិនបានដឹងឡើយ ។ ម្តាយតារាសម្តែងទើបនឹងរះរូបនេះបន្តថា ប្តីរបស់អ្នកស្រី គឺជាមន្ត្រីមួយរូប ប៉ុន្តែប្តីនេះមិនមែនឪពុកបង្កើតរបស់ កែវ នីសា ទេ ឪពុកគេបានស្លាប់បាត់បង់អាយុជីវិតច្រើនឆ្នាំហើយដោយជំងឺ ។ អ្នកស្រីមិនបានប្រាប់ពីឈ្មោះប្តី ឬឪពុក កែវ នីសា ទេ បុ៉ន្តែបង្ហើបថា គាត់ជាអ្នកតស៊ូចេញរំដោះជាតិក្នុងឆ្នាំ១៩៧៨ បុ៉ន្តែអកុសលគាត់មានជំងឺស្លាប់ទៅ ។ ទាក់ទិននឹងសមត្ថកិច្ចនាំខ្លួនអ្នកស្រីទៅឱ្យតំណាងអយ្យការសាកសួរនោះ អ្នកស្រីឱ្យដឹងថា កាលពីកន្លងទៅអ្នកស្រីមានដីមួយកន្លែងនៅក្បែរព្រលានយន្តហោះអន្តរជាតិភ្នំពេញ (ពោធិ៍ចិនតុង) ។
រាជធានីភ្នំពេញ ៖ ប្រភពពីអ្នកឆ្លើយឆ្លងព័ត៌មានកោះសន្តិភាពឱ្យដឹងនៅរសៀលថ្ងៃទី១៣ ធ្នូ ២០១៤ នេះថា លោកអ៊ូ វុធ មេធាវីការពារក្តីឲ្យអ្នកស្រី វ័ន សាវង្ស អាយុ៦១ឆ្នាំ បានឱ្យដឹងថា តុលាការសម្រេចមិនឃុំខ្លួនកូនក្តីរបស់លោក ដោយតម្រូវឲ្យតម្កល់ប្រាក់ចំនួន៦ម៉ឺនដុល្លារ សម្រាប់រយៈពេល១ខែ ជាថ្នូរនៃការមិនឃុំខ្លួន ដោយតុលាការនឹងបើកការអង្កេតបន្ត ។
គួរបញ្ជាក់ថា ស្ត្រីម្នាក់ដែលអះអាងថា ជាម្តាយបង្កើតតារាសម្តែងពានរង្វាន់ទេវតាប្រចាំស្ថានីយទូរទស្សន៍ កាលពីព្រឹកថ្ងៃទី១១ ធ្នូ ត្រូវបានសមត្ថកិច្ចនគរបាលព្រហ្មទណ្ឌ កម្រិតស្រាលរាជធានីភ្នំពេញ ឃាត់ខ្លួនតាមដីកាបញ្ជាឱ្យចូលខ្លួនរបស់តំណាងអយ្យការសាលាដំបូងរាជធានីភ្នំពេញ ពាក់ព័ន្ធបទល្មើសឆបោក ។ អ្នកស្រី វ័ន សាវង្ស អាយុ៦១ឆ្នាំ ស្នាក់នៅផ្ទះលេខ១០៩ ផ្លូវលេខ៧០ សង្កាត់ស្រះចក ខណ្ឌដូនពេញ ត្រូវបានសមត្ថកិច្ចឃាត់ខ្លួននៅភោជនីយដ្ឋានផ្កាឈូកថ្មី ស្ថិតនៅមុខមន្ទីរពេទ្យកាល់ម៉ែត តាមបណ្តោយមហាវិថីព្រះមុនីវង្ស សង្កាត់ស្រះចក ខណ្ឌដូនពេញ ។
ការឃាត់ខ្លួនស្ត្រីរូបនោះ ដឹកនាំដោយលោកវរសេនីយ៍ទោ ជាវ វិបុល អនុប្រធានការិយាល័យនគរបាលព្រហ្មទណ្ឌកម្រិតស្រាល រាជធានីភ្នំពេញ ។ លោក ជាវ វិបុល ឱ្យដឹងថា នេះជាការអនុវត្តតាមដីកាបញ្ជាឱ្យចូលខ្លួនរបស់តំណាងអយ្យការសាលាដំបូងរាជធានីភ្នំពេញតែប៉ុណ្ណោះ ទាក់ទិនរឿងយ៉ាងណានោះ សមត្ថកិច្ចរបស់លោកមិនបានដឹងទេ ។ ទោះជាយ៉ាងណាប្រភពព័ត៌មានឱ្យដឹងថា អ្នកស្រី វ័ន សាវង្ស ត្រូវបានលោក អ៊ុំ សុភក្តិ ព្រះរាជអាជ្ញារងអមសាលាដំបូងរាជធានីភ្នំពេញ ចេញដីកាទៅសមត្ថកិច្ចបញ្ជាឱ្យចូលខ្លួន លេខ២៤៦ អ.យ.ឍ ចុះថ្ងៃទី៣ ធ្នូ ដើម្បីសាកសួរលើសំណុំរឿងព្រហ្មទណ្ឌមួយពាក់ព័ន្ធពីបទឆបោក ដែលសំណុំរឿងនោះត្រូវអះអាងថា អ្នកស្រីបានប្រព្រឹត្តនៅភូមិព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ កាលពីថ្ងៃទី១២ ឧសភា ២០១១ ។
នៅសាលាដំបូងរាជធានីភ្នំពេញ អ្នកស្រី វ័ន សាវង្ស បានប្រាប់អ្នកសារព័ត៌មានថា អ្នកស្រីជាម្តាយបង្កើតរបស់ កែវ នីសា បុ៉ន្តែពេលនេះកូនអ្នកស្រីមិននៅស្រុកខ្មែរទេ គេទៅប្រទេសថៃ ២-៣ថ្ងៃហើយ ដូច្នេះសមត្ថកិច្ចឃាត់ខ្លួនអ្នកស្រីនេះ កូនស្រីគាត់មិនបានដឹងឡើយ ។ ម្តាយតារាសម្តែងទើបនឹងរះរូបនេះបន្តថា ប្តីរបស់អ្នកស្រី គឺជាមន្ត្រីមួយរូប ប៉ុន្តែប្តីនេះមិនមែនឪពុកបង្កើតរបស់ កែវ នីសា ទេ ឪពុកគេបានស្លាប់បាត់បង់អាយុជីវិតច្រើនឆ្នាំហើយដោយជំងឺ ។ អ្នកស្រីមិនបានប្រាប់ពីឈ្មោះប្តី ឬឪពុក កែវ នីសា ទេ បុ៉ន្តែបង្ហើបថា គាត់ជាអ្នកតស៊ូចេញរំដោះជាតិក្នុងឆ្នាំ១៩៧៨ បុ៉ន្តែអកុសលគាត់មានជំងឺស្លាប់ទៅ ។ ទាក់ទិននឹងសមត្ថកិច្ចនាំខ្លួនអ្នកស្រីទៅឱ្យតំណាងអយ្យការសាកសួរនោះ អ្នកស្រីឱ្យដឹងថា កាលពីកន្លងទៅអ្នកស្រីមានដីមួយកន្លែងនៅក្បែរព្រលានយន្តហោះអន្តរជាតិភ្នំពេញ (ពោធិ៍ចិនតុង) ។
ប្រភពៈ កោះសន្តិភាព
Post a Comment