ថ្ងៃពុធ ទី១០ ខែធ្នូ ឆ្នាំ២០១៤ ម៉ោង ០៩:៣០
ខេត្តកំពង់ឆ្នាំង ៖ ជនសង្ស័យប្រើប្រាស់គ្រឿងញៀន២នាក់ ត្រូវសមត្ថកិច្ចនគរបាលស្រុកកំពង់ត្រឡាចធ្វើការចាប់ខ្លួនបាន កាល ពីវេលាព្រឹកថ្ងៃទី០៩ ធ្នូ ២០១៤ ខណៈពួកគេកំពុងប្រើប្រាស់នៅលើផ្ទះមួយខ្នងក្នុងភូមិសាលាលេខ៥ ឃុំអូរប្ញស្សី ស្រុកកំពង់ត្រឡាច។ ប្រភពបានឱ្យដឹងថា ជនសង្ស័យ២នាក់ ១-ឈ្មោះអៀម សុខឡេង អាយុ២៨ឆ្នាំ រស់នៅក្នុងភូមិសាលាលេខ៥ ឃុំអូរប្ញស្សី ស្រុកកំពង់ត្រឡាច និងម្នាក់ និង២-ឈ្មោះយឿន សុធារ៉ា អាយុ១៧ឆ្នាំ រស់នៅក្នុងភូមិ-ឃុំ-ជាមួយគ្នា ។ សមត្ថកិច្ចបានឱ្យដឹងបន្ថែមទៀតថា ឈ្មោះយឿន សុធារ៉ា គឺជាម្ចាស់ផ្ទះ និងជាអ្នកផ្តល់ទីតាំងប្រើប្រាស់គ្រឿងញៀន ។ មុនការបង្ក្រាបនេះ សមត្ថកិច្ចទទួលបានព័ត៌មានពីប្រជាពលរដ្ឋល្អចង្អុលបង្ហាញកន្លែងប្រើប្រាស់ ទើបឈានទៅចាប់បានទាន់ពេលវេលា និងដកហូតទូរសព្ទ័ដៃ១គ្រឿង កាំបិត១ កន្ត្រៃ១ និងឧបករណ៍ប្រើប្រាស់គ្រឿងញៀនមួយចំនួនផងដែរ។ ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
______________________
ប្រភពៈ កោះសន្តិភាព
______________________
ប្រភពៈ កោះសន្តិភាព
Post a Comment