ថ្ងៃអង្គារ ទី១៦ ខែធ្នូ ឆ្នាំ២០១៤ ម៉ោង ១៤:០០
ខេត្តបាត់ដំបង ៖ប្រភពពីអាជ្ញាធរនិងក្រុមអ្នកភូមិមួយចំនួនបានឲ្យដឹងថា លោកគ្រូពេទ្យម្នាក់ដែលក្រុមអ្នកភូមិផ្ទុកមេរោគអេដស៍ចោទថា ធ្លាប់បានចាក់ថ្នំានិងព្យាបាលនាពេលកន្លងមកនោះ បានរត់គេចខ្លួនហើយកាលពីថ្ងៃទី១៤ ធ្នូ ២០១៤ ។
ប្រភពបានបញ្ជាក់ថា លោកគ្រូពេទ្យដែលសុំមិនទាន់បញ្ចេញឈ្មោះនិងបានបើកគ្លីនិក ក្បែរមណ្ឌលសុខភាពឃុំរកានេះ ធ្លាប់បានធ្វើជាគ្រូពេទ្យនៅជំរុំតាំងពីសម័យមានសង្គ្រាម ។ យ៉ាងណាក៍ដោយមកដល់ម៉ោង១និង៣០នាទីរសៀថ្ងៃទី១៦ ធ្នូ ២០១៤នេះ មិនទាន់មានមន្រ្តីសុខាភិបាលណាបញ្ជាក់ថា ករណីអ្នកភូមិជាច្រើននាក់រស់នៅក្នុងភូមិ-ឃុំរកា ស្រុកសង្កែ ដែលរកឃើញថាមានផ្ទុកមេរោគអេដស៍នោះ បណ្តាលមកពីមូលហេតុអ្វីពិតបា្រកដនោះឡើយទេ គ្រាន់តែមានគ្រូពេទ្យខ្លះអះអាងថា អាចបណ្តាលមកពីការប្រើបា្រស់ម្ជុលចាក់ថ្នំារួមគ្នា ។
សេចក្តីរាយការណ៍ពីអ្នកឆ្លើយឆ្លងព័ត៌មានកោះសន្តិភាពបានបញ្ជាក់បន្ថែមទៀតថា មកដល់រសៀលថ្ងៃទី១៦ធ្នូដដែលនេះ ក្រុមអ្នកភូមិរកាជាច្រើននាក់កំពុងបន្តពិនិត្យរកមេរោគអេដស៍ ។
សូមបញ្ជាក់ថា មានការភ្ញាក់ផ្អើលមួយ ខណៈប្រជាពលរដ្ឋចំនួួនជាង៤០០នាក់មកពីភូមិ-ឃុំផ្សេងគ្នា មកធ្វើតេស្តឈាមនៅក្នុងមណ្ឌលសុខភាពឃុំរកា ក្នុងស្រុកសង្កែ ក៏បានប្រទះឃើញប្រជាពលរដ្ឋចំនួនខ្ទង់៧០នាក់ មានផ្ទុកមេរោគអេដស៍ នេះបើតាមការអះអាងរបស់ក្រុមគ្រូពេទ្យស្រុកសង្កែ ។ ប្រជាពលរដ្ឋ៧០នាក់ ដែលក្រុមគ្រូពេទ្យពិនិត្យឃើញមានផ្ទុកមេរោគអេដស៍ គឺមកពីឃុំរកាទាំងអស់ ។
ប្រភពបានឱ្យដឹងថា ប្រជាពលរដ្ឋ៧០នាក់ដែលបានដឹងថា ខ្លួនមានផ្ទុកមេរោគអេដស៍នោះទាំងក្មេង ទាំងចាស់ កំលោះ ក្រមុំ មានការយំទួញសោកយ៉ាងខ្លាំង ដែលធ្វើឱ្យប្រជាពលរដ្ឋដទៃទៀត មានការភិតភ័យក៏នាំគ្នាទៅធ្វើតេស្តឈាមយ៉ាងច្រើននៅថ្ងៃទី១៦ ធ្នូ ២០១៤ នេះ ខណៈដែលការធ្វើតេស្តឈាមគឺចាប់ផ្តើមតាំងពីថ្ងៃទី០៨ ធ្នូ រហូតមក ។
ប្រជាពលរដ្ឋម្នាក់បានឱ្យកោះសន្តិភាពដឹងថា ពួកគាត់មានការផ្តោតទៅលើគ្រូពេទ្យម្នាក់ដែលបើកគ្លីនិកក្នុងភូមិមួយកន្លែង ព្រោះកន្លងមក ប្រជាពលរដ្ឋទាំងនោះតែងតែទៅព្យាបាល និងចាក់ថ្នាំនៅទីនោះរហូតមក ដោយគេសង្ស័យថា អាចឆ្លងមេរោគតាមរយៈការទៅព្យាបាលនៅទីនោះ ។
ប្រភពៈ កោះសន្តិភាព
ខេត្តបាត់ដំបង ៖ប្រភពពីអាជ្ញាធរនិងក្រុមអ្នកភូមិមួយចំនួនបានឲ្យដឹងថា លោកគ្រូពេទ្យម្នាក់ដែលក្រុមអ្នកភូមិផ្ទុកមេរោគអេដស៍ចោទថា ធ្លាប់បានចាក់ថ្នំានិងព្យាបាលនាពេលកន្លងមកនោះ បានរត់គេចខ្លួនហើយកាលពីថ្ងៃទី១៤ ធ្នូ ២០១៤ ។
ប្រភពបានបញ្ជាក់ថា លោកគ្រូពេទ្យដែលសុំមិនទាន់បញ្ចេញឈ្មោះនិងបានបើកគ្លីនិក ក្បែរមណ្ឌលសុខភាពឃុំរកានេះ ធ្លាប់បានធ្វើជាគ្រូពេទ្យនៅជំរុំតាំងពីសម័យមានសង្គ្រាម ។ យ៉ាងណាក៍ដោយមកដល់ម៉ោង១និង៣០នាទីរសៀថ្ងៃទី១៦ ធ្នូ ២០១៤នេះ មិនទាន់មានមន្រ្តីសុខាភិបាលណាបញ្ជាក់ថា ករណីអ្នកភូមិជាច្រើននាក់រស់នៅក្នុងភូមិ-ឃុំរកា ស្រុកសង្កែ ដែលរកឃើញថាមានផ្ទុកមេរោគអេដស៍នោះ បណ្តាលមកពីមូលហេតុអ្វីពិតបា្រកដនោះឡើយទេ គ្រាន់តែមានគ្រូពេទ្យខ្លះអះអាងថា អាចបណ្តាលមកពីការប្រើបា្រស់ម្ជុលចាក់ថ្នំារួមគ្នា ។
សេចក្តីរាយការណ៍ពីអ្នកឆ្លើយឆ្លងព័ត៌មានកោះសន្តិភាពបានបញ្ជាក់បន្ថែមទៀតថា មកដល់រសៀលថ្ងៃទី១៦ធ្នូដដែលនេះ ក្រុមអ្នកភូមិរកាជាច្រើននាក់កំពុងបន្តពិនិត្យរកមេរោគអេដស៍ ។
សូមបញ្ជាក់ថា មានការភ្ញាក់ផ្អើលមួយ ខណៈប្រជាពលរដ្ឋចំនួួនជាង៤០០នាក់មកពីភូមិ-ឃុំផ្សេងគ្នា មកធ្វើតេស្តឈាមនៅក្នុងមណ្ឌលសុខភាពឃុំរកា ក្នុងស្រុកសង្កែ ក៏បានប្រទះឃើញប្រជាពលរដ្ឋចំនួនខ្ទង់៧០នាក់ មានផ្ទុកមេរោគអេដស៍ នេះបើតាមការអះអាងរបស់ក្រុមគ្រូពេទ្យស្រុកសង្កែ ។ ប្រជាពលរដ្ឋ៧០នាក់ ដែលក្រុមគ្រូពេទ្យពិនិត្យឃើញមានផ្ទុកមេរោគអេដស៍ គឺមកពីឃុំរកាទាំងអស់ ។
ប្រភពបានឱ្យដឹងថា ប្រជាពលរដ្ឋ៧០នាក់ដែលបានដឹងថា ខ្លួនមានផ្ទុកមេរោគអេដស៍នោះទាំងក្មេង ទាំងចាស់ កំលោះ ក្រមុំ មានការយំទួញសោកយ៉ាងខ្លាំង ដែលធ្វើឱ្យប្រជាពលរដ្ឋដទៃទៀត មានការភិតភ័យក៏នាំគ្នាទៅធ្វើតេស្តឈាមយ៉ាងច្រើននៅថ្ងៃទី១៦ ធ្នូ ២០១៤ នេះ ខណៈដែលការធ្វើតេស្តឈាមគឺចាប់ផ្តើមតាំងពីថ្ងៃទី០៨ ធ្នូ រហូតមក ។
ប្រជាពលរដ្ឋម្នាក់បានឱ្យកោះសន្តិភាពដឹងថា ពួកគាត់មានការផ្តោតទៅលើគ្រូពេទ្យម្នាក់ដែលបើកគ្លីនិកក្នុងភូមិមួយកន្លែង ព្រោះកន្លងមក ប្រជាពលរដ្ឋទាំងនោះតែងតែទៅព្យាបាល និងចាក់ថ្នាំនៅទីនោះរហូតមក ដោយគេសង្ស័យថា អាចឆ្លងមេរោគតាមរយៈការទៅព្យាបាលនៅទីនោះ ។
ប្រភពៈ កោះសន្តិភាព
Post a Comment