ថ្ងៃអាទិត្យ ទី២៨ ខែធ្នូ ឆ្នាំ២០១៤ ម៉ោង ១២:៥០
ខេត្តព្រះសីហនុ ៖ ផ្សារម៉ាតចំរើនផល ស្ថិតនៅក្រុងព្រះសីហនុ ត្រូវបានអគ្គិភ័យឆេះបំផ្លាញកាលពីវេលាម៉ោងជាង១២ ថ្ងៃទី២៨ ធ្នូ ឆ្នាំ២០១៤ ។
តាមអ្នកឆ្លើយឆ្លងព័ត៌មានរបស់ កោះសន្តិភាព ប្រចាំក្រុងព្រះសីហនុ បានរាយការណ៍ឱ្យដឹងថា អគ្គិភ័យនេះបណ្តាលមកពីផ្ទុះធុងហ្គាស់ ។ ដែលរហូតមកដល់ម៉ោង១២ និង៥០នាទីនេះអគ្គិភ័យមិនទាន់ត្រូវបានរលត់ទាំងស្រុងទេ ខណៈពេលដែលសមត្តកិច្ចខាងពន្លត់អគ្គិភ័យបានប្រើប្រាស់ឡានទឹកចំនួន៤គ្រឿងកំពុងបាញ់ពន្លត់ ។
ទោះជាយ៉ាងណាក៏ដោយ តាមសេចក្តីរាយការណ៍ព័ត៌មានជាបឋម អគ្គិភ័យនេះមិនបានឆេះរាលដាលដល់ផ្ទះប្រជាពលរដ្ឋឡើយ ហើយក៏មិនបណ្តាលឱ្យមនុស្សណាម្នាក់រងរបួស ឬស្លាប់ឡើយ ។
ប្រភព៖ កោះសន្តិភាព
Post a Comment