រាជធានីភ្នំពេញ ៖ យុវជន ២នាក់ ត្រូវបានប្រជាពលរដ្ឋ នាំគ្នាព្រួតវាយទ្រមខ្លួន ក្នុងខណៈដែលពួកគេ បានធ្វើសកម្មភាព ឆក់កាបូបស្ពាយ ពីសិស្សស្រីម្នាក់បានសម្រេច តែដោយសារជិះម៉ូតូគេចមិនរួច ក៏ត្រូវប្រជាពលរដ្ឋ ដេញចាប់បានព្រួតវាយមួយដៃមួយជើង ឡើងទ្រមខ្លួន ទើបប្រគល់ជូនប៉ូលិស ដើម្បីចាត់ការទៅតាមផ្លូវច្បាប់ កាលពីវេលាម៉ោង ៥និង១០ នាទី ល្ងាចថ្ងៃទី១៥ ខែធ្នូ ឆ្នាំ២០១៤ នៅចំណុចមុខខារ៉ាអូខេ ឡឺវេស ផ្លូវលេខ២៣០ សង្កាត់ផ្សារដើមគរ ខណ្ឌទួលគោក។
សង្ស័យដែលត្រូវឃាត់ខ្លួន ទី១. ឈ្មោះ ប្រាក់ ឆៅវលីត ភេទប្រុស អាយុ ២០ឆ្នាំ មុខរបរសន្តិសុខ ស្នាក់នៅផ្ទះលេខ៤D ផ្លូវលេខ៣ សង្កាត់ដង្កោ ខណ្ឌដង្កោ ជាអ្នកជិះពីក្រោយ ធ្វើសកម្មភាពឆក់។ ជនសង្ស័យទី២. ឈ្មោះ ឡាយ ប៊ុនថៃ ភេទប្រុស អាយុ ១៨ ឆ្នាំ មុខរបរមិនពិតប្រាកដ ស្នាក់នៅផ្ទះលេខ៧A ផ្លូវ លេខ២៥១ សង្កាត់បឹងសាឡាង ខណ្ឌទួលគោក ជាអ្នកបើកបរម៉ូតូ ធ្វើសកម្មភាព។ ចំណែកជនរងគ្រោះ មានឈ្មោះ ជួប ស្រីពេជ្រ ភេទស្រី អាយុ ១៧ឆ្នាំ ជាសិស្សវិទ្យាល័យ ជាស៊ីម សន្ធរម៉ុក ស្នាក់នៅផ្ទះលេខ១៦៩ ផ្លូវលេខ២០០៤ សង្កាត់កាកាប ខណ្ឌពោធិ៍សែនជ័យ។
នៅមុនពេលកើតហេតុ ជនរងគ្រោះ បានជិះម៉ូតូម៉ាក FINO ពណ៌ខ្មៅលាយស មិនទាន់មានស្លាកលេខ ចេញពីសាលារៀន ជាស៊ីម សន្ធរម៉ុក ក្នុងគោលបំណង ត្រឡប់ទៅផ្ទះវិញ លុះមកដល់ចំណុចកើតហេតុ ក៏ស្រាប់តែមានជនសង្ស័យ ២នាក់ ជិះម៉ូតូម៉ាកនិក ពណ៌ស ពាក់ស្លាកលេខ ភ្នំពេញ 1CQ 0013 មួយគ្រឿង មកពីក្រោយ ហើយបានធ្វើសកម្មភាព ឆក់កាបូបស្ពាយដែលជនរងគ្រោះ ដាក់នៅពីមុខ បណ្ដាលឲ្យដួលម៉ូតូ ជនរងគ្រោះ។ ចំណែកជនសង្ស័យ ទាំង ២នាក់ ក៏បានជិះម៉ូតូគេចខ្លួន ជាមួយនឹងកាបូប ក៏ត្រូវត្រូវប្រជាពលរដ្ឋ តាមចាប់បានស្វាគមន៍ ម្នាក់មួយដៃមួយជើង រហូតទ្រមខ្លួន ទើបប្រគល់ឲ្យសមត្ថកិច្ច ចាត់ការតាមផ្លូវច្បាប់៕
ប្រភពពី វត្តភ្នំ
Post a Comment