រឿង ”ហនុមាន” បានចេញTrailer ជាផ្លូវការហើយ ដោយនៅក្នុងសាច់រឿងមានឈុតឆាក់វាយប្រហារ គំនុំសងសឹង មិនចាញ់ខ្សែភាពយន្តចិនហុងកុងឡើយ។
រឿង ”ហនុមាន” បានថតបញ្ចប់ជាងមួយឆ្នាំហើយ ដោយតារាសម្ដែងសំខាន់ៗមានដូចជាលោក អួ តារា, កញ្ញា ម៉ារី ណែត, លោក សាវីន ហ្វីលីប, កញ្ញា សេង សូណា, លោក អេ ភូថង ជាដើម។
ខ្សែភាពយន្តដែលអ្នកដឹកនាំក៏ដូចជា តារាសម្ដែងរំពឹងថា នឹងរកប្រាក់ចំណូលបានច្រើនជាងគេក្នុងឆ្នាំ២០១៥នេះ គ្រោងនឹងចាក់បញ្ចាំងនៅថ្ងៃទី១៣ ខែ កុម្ភៈ ឆ្នាំ ២០១៥ ខាងមុខនេះ នៅតាមរោងភាពយន្តទាំងអស់នៅក្នុងប្រទេសកម្ពុជា។ ជាមួយគ្នានោះផងដែរ រឿង ”ហនុមាន” ក៏គ្រោងយកទៅចាក់បញ្ចាំងនៅ ទីក្រុងហុងកុង និង ប្រទេស ឥណ្ឌា ផងដែរ៕
Post a Comment