រាជធានីភ្នំពេញ : មានស្ត្រី និងនារីវ័យក្មេងជាច្រើន នៅក្នុងសង្គមខ្មែរដែលទទួលរងគ្រោះដោយសារការចាប់រំលោភសេពសន្ថវៈហើយពេលនេះប្អូនស្រីម្នាក់បានរៀបរាប់ពីជីវិតពិតខ្លះៗ ដែលនាងទទួលបានក្រោយពេលជនល្មោភកាមពីរនាក់បានចាប់រំលោភបូកមកលើរូបនាង។ ពាក់ព័ន្ធនឹងបញ្ហានេះប្អូនស្រីរងគ្រោះដែលត្រូវជនឆ្លៀតឱកាសចាប់រំលោភបានរៀបរាប់ទាំងអួលអាក់ រួមជាមួយនឹងទឹកភ្នែករលីងរលោងថា ប្រហែលជាកាលពីចុងឆ្នាំ២០១៣ នាងត្រូវបានជនមិនស្គាល់មុខមានគ្នា២នាក់ រំលោភបូកលើរូបនាង តែដោយខ្លាចខ្មាសគេ និងខ្លាចសង្សារដឹងនាងមិនបានយករឿងនេះទៅប្រាប់អ្នកណាទេ លុះក្រោយមកមិនយូរប៉ុន្មាន នាងបានទៅជួសឈាមបញ្ជាក់រកមេរោគអេដស៍ជាមួយគូសង្សារ ព្រោះបំណងចង់រៀបការជាមួយគ្នាតែជាអកុសលលទ្ធផលចេញមក គឺនាងផ្ទុកជំងឺសង្គម (HIV) ដំណឹងអាក្រក់នេះធ្វើឲ្យចំណងស្នេហ៍ជាច្រើនឆ្នាំរវាងអ្នកទាំងពីរត្រូវបានកាត់ផ្ដាច់។ និយាយមកដល់ត្រង់ចំណុចនេះប្អូនស្រីផ្តើមបង្ហូរទឹកភ្នែកស្រក់កាត់ផែនថ្ពាល់។
ដោយឡែកនៅក្នុងរង្វង់គ្រួសារ ប្អូនស្រីមិនបានប្រាប់ពីរឿងហេតុនៃការចាប់រំលោភនេះឲ្យនរណាម្នាក់ដឹងនោះឡើយ សូម្បីតែឪពុកម្ដាយ ដោយសារតែខ្លាចខូចកិត្តិយសគ្រួសារ លុះក្រោយមកដោយមិនអាចប្រឈមតទៅទៀត នៅពេលដែលគ្រួសារចេះតែសួរជជីកដេញដោល ប្អូនស្រីបានសម្រេចចិត្តចាកចេញពីខេត្តដែលជាទីកំណើតមករស់នៅក្នុងក្រុងភ្នំពេញធ្វើការជានារីលក់ភេស្ជៈ ក្នុងក្លឹបកម្សាន្តមួយដែលខ្លួននាងមិននឹងស្មានដល់សោះពីជីវិតស្រស់បំព្រង ត្រូវធ្លាក់ខ្លួនក្លាយជានារីលក់ភេសជ្ជៈ ក្នុងមួយពព្រិចភ្នែក ក្រោយទទួលរងការចាប់រំលោភពីជនអគតិទាំងនោះ។
ប្អូនស្រីបានបន្តទឹកភ្នែកទៀតថា រហូតមកដល់ឆ្នាំ២០១៤នេះនាងមិនដែលទៅផ្ទះនៅឯស្រុកកំណើតទេ ព្រោះខ្លាចនាំភាពអាប់ឱនដល់គ្រួសារ ហើយបន្ទាប់ពីបុណ្យអុំទូកត្រូវបានប្រារព្ធចប់ប្អូនស្រី និងទៅធ្វើការនៅប្រទេសជិតខាងវិញ៕
ប្រភព៖ កំណើតថ្មី
ដោយឡែកនៅក្នុងរង្វង់គ្រួសារ ប្អូនស្រីមិនបានប្រាប់ពីរឿងហេតុនៃការចាប់រំលោភនេះឲ្យនរណាម្នាក់ដឹងនោះឡើយ សូម្បីតែឪពុកម្ដាយ ដោយសារតែខ្លាចខូចកិត្តិយសគ្រួសារ លុះក្រោយមកដោយមិនអាចប្រឈមតទៅទៀត នៅពេលដែលគ្រួសារចេះតែសួរជជីកដេញដោល ប្អូនស្រីបានសម្រេចចិត្តចាកចេញពីខេត្តដែលជាទីកំណើតមករស់នៅក្នុងក្រុងភ្នំពេញធ្វើការជានារីលក់ភេស្ជៈ ក្នុងក្លឹបកម្សាន្តមួយដែលខ្លួននាងមិននឹងស្មានដល់សោះពីជីវិតស្រស់បំព្រង ត្រូវធ្លាក់ខ្លួនក្លាយជានារីលក់ភេសជ្ជៈ ក្នុងមួយពព្រិចភ្នែក ក្រោយទទួលរងការចាប់រំលោភពីជនអគតិទាំងនោះ។
ប្អូនស្រីបានបន្តទឹកភ្នែកទៀតថា រហូតមកដល់ឆ្នាំ២០១៤នេះនាងមិនដែលទៅផ្ទះនៅឯស្រុកកំណើតទេ ព្រោះខ្លាចនាំភាពអាប់ឱនដល់គ្រួសារ ហើយបន្ទាប់ពីបុណ្យអុំទូកត្រូវបានប្រារព្ធចប់ប្អូនស្រី និងទៅធ្វើការនៅប្រទេសជិតខាងវិញ៕
ប្រភព៖ កំណើតថ្មី
Post a Comment